Framlengir samning sinn í fæðingaorlofi

Valgerður Ýr Þorsteinsdóttir ætlar að halda áfram með HK. Mynd/HK

Handknattleikskonan Valgerður Ýr Þorsteinsdóttir hefur framlengt samning sinn við HK þótt ljóst verði að hún leiki ekki með liðinu á ný fyrr en næsta haust. Valgerður er 28 ára leikstjórnandi sem hefur leikið með HK allan sinn feril fyrir utan tvö ár þegar hún var ytra í háskólanámi.

Valgerður hefur undanfarin ár verið burðarás í liði HK. Hún skoraði t.d. 84 mörk á síðasta tímabili í Olísdeildinni og var markahæsti leikmaður liðsins ásamt frænku sinni Sigríði Hauksdóttir með 84 mörk. Þegar hlé var gert á keppni í Olísdeildinni í lok september hafði Valgerður Ýr skoraði 14 mörk í þremur fyrstu leikjum Kópavogsliðsins. Þá hefur hún verið valin í æfingahópa hjá A landsliði Íslands. 

Valgerður Ýr verður í fæðingaorlofi frá handboltanum þegar þráðurinn verður tekinn upp á ný á komandi ári. Hún er barnshafandi eins og kom fram á handbolta.is á dögunum.

- Auglýsing -

Nýjustu fréttir

- Auglýsing -