Framlengir samning við Fram

Kristrún Steinþórsdóttir hefur skrifað undir nýjan samning við Fram. Mynd/Fram

Kristrún Steinþórsdóttir hefur skrifað undir nýjan tveggja ára samning við handknattleikdeild Fram. Kristrún kom til Fram frá Selfossi vorið 2019. Hún skoraði 38 mörk í 18 leikjum á síðasta tímabili og var gríðarlega mikilvæg í hinni ógnarsterku vörn Fram, eftir því sem fram kemur í tilkynningu frá Handknattleiksdeild Fram.

Þar segir ennfremur að að Kristrún hafi verið lykilmaður þegar Fram tryggði sér bæði bikar- og deildarmeistaratitilinn á síðasta keppnistímabili. „Hún er ósérhlífinn leikmaður sem leggur sig alltaf 100% fram og því passar hún einstaklega vel í okkar hóp,“ segir í fréttatilkynningu frá Handknattleiksdeild Fram.

- Auglýsing -

Nýjustu fréttir

- Auglýsing -