- Auglýsing -

Framlengir dvölina í Safamýri

Perla Ruth Albertsdóttir. Mynd/Fram

Landsliðskonan í handknattleik, Perla Ruth Albertsdóttir hefur skrifað undir nýjan tveggja ára samning við Fram og er því samningsbundin félaginu til vorsins 2023, segir í tilkynningu frá Handknattleiksdeild Fram.

Perla Ruth, sem á að baki 22 A-landsleiki, gekk til liðs við Fram í júní 2019 frá Selfossi og er því á sínu öðru tímabili hjá félaginu. Hún skoraði 56 mörk í 18 leikjum á síðasta tímabili og varð bikarmeistari og deildarmeistari með Fram-liðinu.

„Perla á von á barni í apríl og verður því ekki mikið með á þessu tímabili en mun koma gríðarsterk inn á því næsta. Perla er mikil fyrirmynd og er leikmaður sem leggur sig alltaf 100% fram og það er mikill fengur fyrir okkur í Fram að hafa hana í okkar röðum,“ segir ennfremur í fréttatilkynningu frá Fram.

- Auglýsing -
- Auglýsing -

Nýjustu fréttir

- Auglýsing -