Handknattleiksdeild Þórs á Akureyri býr við mikið aðstöðuleysi. Mynd/Skapti Hallgrímsson, akureyri.net

Viðureign Þórs og Aftureldingar í Olísdeild karla sem fram átti að fara í Íþróttahöllinni á Akureyri í dag mun hafa verið frestað. Ástæðan mun vera sú að Afturelding komst ekki norður með flugi í dag eins og til stóð. Greint er frá frestuninni í færslu á Facebook-síðu HSÍ sem sennilega er sett inn um hádegið í dag.

Landleiðin er hinsvegar vel fær og komst lið KA greiðlega suður og í tíma til þess að leika gegn Fram í Framhúsinu klukkan 15 í dag. Ekki er annað vitað en KA-menn komist tafarlaust heim í kvöld.

Á vef HSÍ segir að leik Þórs og Aftureldingar hafi verið frestað. Nýr leikdagur hefur ekki verið skráður.

- Auglýsing -

Nýjustu fréttir

- Auglýsing -