Frestað í Kristiansand

Rúmenskir stuðningsmenn landsliðsins hafa nýtt Instagram-reikning Noru Mörk til að bölsótast út í dómara í forkeppni Ólympíuleikana sem fram fór um síðustu helgi. Mynd/EPA

Það glíma fleiri handboltamenn við kórónuveiruna þessa dagana en þeir sem hyggjast taka þátt eða skipuleggja heimsmeistaramótið í handknattleik karla í Egyptalandi. Í hádeginu var stórleik sem fram átti að fara í Kristiansand í Noregi í Meistaradeild kvenna í kvöld slegið á frest um ótiltekinn tíma.


Noregsmeistarar Vipers Kristiansand og rússneska meistaraliðið Rostov-Don áttu að leiða saman hesta sína. Smit greindist á hjá rússneska liðinu við komuna til Noregs í gærkvöld. Niðurstaðan lá fyrir í morgun.

Rússneski hópurinn er þar með kominn í sóttkví og einangrun í Noregi, allt eftir hvort smit greindist eða ekki. Þeir smituðu eru í einangrun en ósmitaðir eru í sóttkví þar til þeir fá grænt ljós frá norskum heilbrigðisyfirvöldum til þess að halda heim á leið. Þeir smituðu sitja fastir eitthvað lengur.

Leikur liðanna átti að fara fram í haust en var einnig frestað vegna kórónuveirufaraldursins.

- Auglýsing -

Nýjustu fréttir

- Auglýsing -