Frítt í hópferð frá Akureyri á úrslitaleik

Aldís Ásta Heimisdóttir, Rakel Sara Elvarsdóttir, Matea Lonac, Sólveig Lára Kristjánsdóttir og Rut Arnfjörð Jónsdóttir leggja á ráðin. Mynd/Egill Bjarni Friðjónsson

Forsvarsmenn KA/Þórs eru ekkert að tvínóna þessa dagana enda stendur lið þeirra og deildarmeistarar í eldlínunni í úrslitakeppninni í handknattleik kvenna. Þeir bjóða upp á fría rútuferð frá KA-heimilinu á sunndagsmorgun suður til Reykjavíkur á annan leik Vals og KA/Þórs sem hefst klukkan 15.45 á sunnudag í Origohöll Valsara á Hlíðarenda. Vitanlega verður einnig frí ferð til baka, hvernig sem fer.

Þeir sem vilja slást með í ferðina þurfa aðeins að kaupa aðgöngumiða í gegnum smáforritið Stubb. Skráning í ferðina er bindandi, segir í tilkynningu frá félaginu.


Skráningu og aðrar upplýsingar er hægt að nálgast hér.

Þessi vaski hópur lætur sig varla vanta í hópferðina á sunnudaginn. Mynd/Egill Bjarni Friðjónsson
- Auglýsing -

Nýjustu fréttir

- Auglýsing -