- Auglýsing -

Fyrirliðinn framlengir samning sinn hjá Stjörnunni

Tandri Már Konráðsson, fyrirliði Stjörnunnar. Mynd/Stjarnan

Tandri Már Konráðsson, fyrirliði karlaliðs Stjörnunnar, hefur skrifað undir samning við liðið til ársins 2024. Þetta kemur fram í tilkynningu frá Handknattleiksdeild Stjörnunnar í morgun.

„Tandri Már er að öðrum ólöstuðum mikilvægasti leikmaður liðsins, bæði innan og utan vallar. Hann er fyrirmyndar íþróttamaður með mikinn metnað til að ná árangri með Stjörnunni.Það fer ekki framhjá neinum að Stjörnuliðið er í mikilli sókn og stefnir hátt á næstu árum, og þá er mikilvægt að hafa karakter eins og Tandra til að leiða hópinn með vinnusemi og leiðtogahæfileikum sínum,“ segir í tilkynningu Stjörnunnar.

Tandri Már gekk til liðs við Stjörnuna sumarið 2019 eftir að hafa leikið á Norðurlöndunum um nokkurra ára skeið. Þar lék hann með TM Tönder í Danmörku, Ricoh í Svíþjóð en síðast í þrjú ár með Skjern í Danmörku þar sem hann varð m.a. danskur meistari.

- Auglýsing -
- Auglýsing -

Nýjustu fréttir

- Auglýsing -