Fyrirliðinn hættir – er á leið í fjórðu axlaraðgerðina

Valþór Atli Guðrúnarson ræðir við Sesselíu Sigurðardóttur, sjúkraþjálfara Þórs, eftir að hann fór úr axlarlið í viðureigninni við KA í Íþróttahöllinni á sunnudaginn. Mynd/Skapti Hallgrímsson, akureyri.net

Valþór Atli Guðrúnarson, fyrirliði Þórs á Akureyri, þykir fullreynt að hann leiki einhverntímann handknattleik á nýjan leik og hefur ákveðið að leggja skóna á hilluna. Valþór Atli segir frá þessu í samtali við akureyri.net í morgunsárið.


Valþór Atli fór úr axlarlið í fjórða sinn á ferlinum, þar af í þriðja sinn á hægri öxl, í viðureign Þórs og KA á síðasta sunnudag. Aðeins voru þá um þrjár vikur liðnir frá að hann fór síðast úr lið á sömu öxl. Að þessu sinni gekk illa að koma öxlinni í liðinn.


„Ég held ég segi þetta bara gott núna! Fjórar axlaraðgerðir og ein krossbandsslit eru full mikið. Ég býst við að flestir væru löngu hættir eftir öll þessi meiðsli og þetta var endapunkturinn hjá mér,“ segir Valþór Atli í viðtali við akureyri.net.

- Auglýsing -

Nýjustu fréttir

- Auglýsing -