- Auglýsing -

Gamalreyndur markvörður úr leik hjá Króötum

Mirko Alilovic markvörður. Mynd /EPA

Hinn þrautreyndi markvörður, Mirko Alilovic, verður ekki í liði Króata í dag í leiknum við Íslendinga í þriðju umferð milliriðlakeppni Evrópumótsins í handknattleik karla í Búdapesti. Alilovic meiddist í leiknum við Dani í fyrradag.


Í tilkynningu króatíska handknattleikssambandsins í gær segir að Alilovic hafi yfirgefið hótel landsliðsins og sé kominn undir hendur sjúkraþjálfara og læknis Pick Szeged, félagsins sem hann leikur með dags daglega.


Alilovic kom inn í króatíska landsliðið áður en milliriðlakeppnin hófst. Hann hafði þá ekki leikið með landsliðinu í fjögur ár, eða frá Evrópumótinu í Króatíu í janúar 2018. Alilovic var aðalmarkvörður Króata í rúman áratug en ákvað eftir EM á heimavelli að rifa aðeins seglin. Vegna veikinda í króatíska hópnum á dögunum lét kappinn tilleiðast að hlaupa í skarðið.

Leikur Íslands og Króatíu í milliriðlakeppni EM hefst klukkan 14.30.

- Auglýsing -
- Auglýsing -

Nýjustu fréttir

- Auglýsing -