- Auglýsing -

Gat ekki tekið þátt í síðasta leiknum á HM

Elvar Örn Jónsson í leik með íslenska landsliðinu gegn Portúgal á HM í Egyptalandi í janúar. Mynd /EPA

Elvar Örn Jónsson gat ekki leikið með íslenska landsliðinu í lokaleik liðsins á heimsmeistaramótinu í handknattleik í gærkvöld, gegn Noregi. Hann var engu að síður á leikskýrslu.


Elvar Örn fékk þungt högg á síðuna í leiknum við Sviss á miðvikudaginn. Hann harkaði af sér í gegnum viðureignina við Frakka á föstudaginn en var ekki reiðbúinn í leikinn í gær.

Þar með er ljóst að a.m.k. fjórir leikmenn landsliðsins eru meiddir eftir mótið, misalvarlega. Arnór Þór Gunnarsson tók ekki þátt í tveimur síðustu leikjunum vegna stífleika í læri, eftir því sem næst er komist. Janus Daði Smárason lék aðeins í fyrsta leik mótsins vegna axlarmeiðsla sem lengi hafa reyndar hrjáð hann en urðu verri þegar á leið mánuðinn. Viggó Kristjánsson sneri sig illa á ökkla undir lok leiksins við Frakka og Elvar Örn meiddist gegn Sviss eins og áður er getið.

- Auglýsing -
- Auglýsing -

Nýjustu fréttir

- Auglýsing -