Gauti verður eftirmaður Óðins Þórs hjá KA

Haddur J. Stefánsson, formaður handknattleiksdeildar KA t.v. ásamt Gauta Gunnarssyni, nýjum liðsmanni KA. Mynd/KA

KA hefur krækt í Eyjamanninn Gauta Gunnarsson og skrifað undir tveggja ára samning við hann. Gauti kemur í stað hægri hornamannsins Óðins Þórs Ríkharðssonar sem gengur til liðs við Kadetten Schaffhausen í Sviss í sumar.

Greint er frá komu Gauta á heimasíðu KA í dag.


Gauti hefur undanfarin tvö ár leikið talsvert með ÍBV í Olísdeildinni. Hann hefur einnig átt sæti í yngri landsliðum Íslands. Hann var m.a. með í U19 ára landsliðinu á EM í Króatíu á síðasta sumri og er í 16 manna hópnum sem valinn hefur verið til þátttöku á Evrópumeistaramóti U20 ára landsliða sem fram fer í Porto í júlíi.


Gauti er annar leikmaðurinn sem kemur til liðs við KA á síðustu vikum. Hinn er Dagur Gautason sem kom heim aftur eftir tveggja ára veru hjá Stjörnunni.


- Auglýsing -

Nýjustu fréttir

- Auglýsing -