- Auglýsing -
Sandra Erlingsdóttir og stöllur hennar í EH Aalborg gefa ekkert eftir í toppbaráttu dönsku 1. deildarinnar í handknattleik. Í kvöld unnu þær Bjerringbro, 32:28, á heimavelli eftir að hafa verið þremur mörkum yfir að loknum fyrri hálfleik, 15:12.
Sandra skoraði tvö mörk og var að vanda atkvæðamikil jafnt í vörn sem sókn.
EH Aalborg er í efsta sæti með 16 stig eftir níu leiki, er stigi á undan Ringköbing. Hadsten er í þriðja sæti með 14 stig en Sandra og félagar sækja Hadsten heim á laugardaginn í toppslag umferðarinnar. Hadsten hefur lokið 10 leikjum. Bjerringbro er í fjórða stæi með 14 stig en hefur lokið 11 viðureignum. TMS Ringsted og SönderjyskE er skammt á eftir.
- Auglýsing -
