Leó Snær Pétursson hefur gert nýjan samning um að leika með handknattleiksliði Stjörnunnar út leiktíðina vorið 2024. Þetta kemur fram í tilkynningu frá handknattleiksdeild Stjörnunnar. Leó Snær gekk til liðs við Garðabæjarliðið 2017 eftir að hafa lokið tveggja ára veru hjá HK Malmö í Svíþjóð.
Leó Snær, sem leikur í hægra horni og hefur einnig sérhæft sig í vítaköstum, lék með HK upp yngri flokka og upp í meistaraflokk. Hann var m.a. í Íslandsmeistaraliði HK vorið 2012 og lék með Kópavogsliðinu fram til ársins 2015 þegar hann fylgdi sambýliskonu sinni Valgerði Ýri Þorsteinsdóttur, handknattleikskonu hjá HK, til náms í Kaupmannahöfn 2015. Meðan lék Leó Snær með Malmö austanmegin við Eyrarsundið.
Eftir heimkomuna hefur Leó Snær leikið stórt hlutverk í meistaraflokksliði Stjörnunnar. Hann hefur skoraði 44 mörk í 11 leikjum Stjörnunnar í Olísdeildinni á þessari leiktíð.
