Getum byggt ofan á þetta

Sigríður Hauksdóttir skoraði fjögur mörk í leiknum í gærkvöld. Mynd/EPA

„Okkur gekk aðeins betur í kvöld og það var greinileg framför um að ræða hjá okkur,“ sagði Sigríður Hauksdóttir, landsliðskona í handknattleik, í samtali við handbolta.is eftir jafntefli íslenska landsliðsins við slóvenska landsliðið í síðari umspilsleiknum um sæti á heimsmeistaramótinu, 21:21, í Schenkerhöllinni á Ásvöllum í gærkvöld. Jafntefli dugði þó ekki þar sem Slóvenar unnu fyrri viðureignina með 10 marka mun.


„Við fórum illa með færin í fyrri hálfleik en bættum fyrir það í síðari hálfleik. Þar af leiðandi var frammistaðan góð þegar á heildina er litið og við getum verið sáttar, held ég. Varnarleikurinn var flottur og sóknarleikurinn var góður, sérstaklega í síðari hálfleik, mikil framför frá viðureigninni á laugardaginn.“


Spurð hvort Sigríður telji að hægt sé að byggja ofan á frammistöðu landsliðsins til framtíðar telur hún svo vera. Liðið hafi æft vel saman um nokkuð langt skeið sem muni skila sér þegar það kemur saman til næstu leikja.

„Slóvenar eru ekki 10 mörkum betri en við. Eftir þennan leik getum við gengið sáttari frá borði og litið til framtíðar,“ sagði Sigríður en undankeppni Evrópumótsins hefst í október.

a>
- Auglýsing -

Nýjustu fréttir

- Auglýsing -