Tandri Már Konráðsson í skotstöðu í undanúrslitaleik Stjörnunnar og Aftureldingar í byrjun mars. Mynd/HSÍ

Sex mánuðum eftir að keppni var hætt í Olísdeildum karla og kvenna verður flautað til leiks í kvöld. Handboltinn fer loksins aftur af stað eftir lengsta hlé sem hefur verið á milli móta um langt árabil. Skal maður ætla að gleðjist nú bæði halur og fljóð.

Langt hlé á sér vissulega skýringar í heimsfaraldri kórónaveiru sem farið hefur eins og eldur í sinu um heimsbyggðina nær allt þetta ár. Fáir hafa farið varhluta af þessum hamförum, margir eru grátt leiknir og eiga um sárt að binda, jafnt andlega sem líkamlega.

Handboltaunnendur geta vonandi tekið gleði sína á ný að einhverju leyti. Um leið er óskandi að ekki komi frekara bakslag í faraldurinn hér á landi og að það fari að sjá fyrir endann á honum þótt því miður hilli ekki alveg undir það.

Karen Helga Díönudóttir leikmaður Hauka sækir að vörn KA/Þórs í undanúrslitum bikarkeppninnar í byrjun mars. Skömmu síðar var keppni í handbolta slaufað hér á landi. Gaman er hinsvegar á byrja á ný. Mynd/HSÍ

Fyrst um sinn verða takmarkanir á aðgengi áhorfenda á leikjum. Aðeins 200 mega að hámarki koma saman. Gleðjumst yfir að þeir megi þó vera þetta margir og umgöngumst hvert annað í samræmi við ástandið. Það er hægt að búa til góða umgjörð með 200 manns.  Sumstaðar erlendis er leikið fyrir tómum húsum og stemningin daufleg af skiljanlegum ástæðum. Flestir eiga þess kost að fylgjast með leikjum Olísdeildanna í gegnum sjónvarp eða tölvu. Stöð2 sport verður að vanda með margar beinar útsendingar og eins senda mörg félaganna út leiki sína í gegnum netið góða.

Handbolti.is mun fylgja leikjum deildanna eftir mætti frá upphafi nú þegar vefurinn hefur nýverið klæðst óslitnum barnsskónum.

Tjöldin verða nú dregin frá. Gleðilegt nýtt handboltatímabil 2020 -2021. Áfram íslenskur handbolti.

Ívar Bendiktsson, ritstjóri, ivar@handbolti.is

Leikir 1.umferðar Olísdeildar karla:

Fimmtudagur kl. 18.00 ÍR – ÍBV – Austurberg

Fimmtudagur kl.19.30 Grótta – Haukar – Hertz höllin

Fimmtudagur kl.19.30 Afturelding – Þór Ak. – Varmá

Föstudagur kl. 19.30 KA – Fram – KA-heimili

Föstudagur kl. 20.30 Stjarnan – Selfoss – TM-höllin

Laugardagur kl. 18.00 FH – Valur – Kaplakriki

Olísdeild kvenna, 1. umferð:

Föstudagur kl. 17.45 Stjarnan – FH – TM-höllin

Föstudagur kl. 18.30 Fram – HK – Framhúsið

Laugardagur kl. 13.30 Valur – Haukar – Origo-höllin

Laugardagur kl. 16.00 ÍBV – KA/Þór – Vestmannaeyjar

- Auglýsing -

Nýjustu fréttir

Valur dregur lið sitt úr keppni

Valur hefur ákveðið að draga kvennalið sitt til baka úr þátttöku í Evrópukeppni félagsliðs vegna útbreiðslu kórónuveirunnar. Þetta staðfestir Ágúst Þór Jóhannsson,...

Ágúst Elí fór hamförum

Landsliðsmarkvörðurinn Ágúst Elí Björgvinsson átti stjörnuleik í kvöld með KIF Kolding þegar liðið vann granna sína í Fredericia, 31:22, í dönsku úrvalsdeildinni...

Allt gekk á afturfótunum í seinni hálfleik

Daníel Freyr Andrésson og samherjar í Guif fengu slæman skell á heimavelli í kvöld í sænsku úrvalsdeildinni í handknattleik þegar þeir tóku...
- Auglýsing -