Góður leikur dugði ekki

Ágúst Elí Björgvinsson, markvörður íslenska landsliðsins og KIF Kolding í Danmörku. Mynd/EPA

Það dugði KIF Kolding skammt að Ágúst Elí Björgvinsson, landsliðsmarkvörður, átti góðan leik í dag þegar lið hans mætti Mors-Thy á útivelli í dönsku úrvalsdeildinni í handknattleik. Kolding tapaði með fimm marka mun, 29:24.

Ágúst Elí varði 10 skot og var með 30,3% hlutfallsmarkvörslu. Kolding hefur unnið einn leik en tapað tveimur það sem af er keppni í úrvalsdeildinni. Ágúst Elí stóð í markinu frá upphafi til enda leiksins í dag ef undan er skilið eitt vítakast sem kollegi hans reyndi að verja en lánaðist ekki.

- Auglýsing -

Nýjustu fréttir

- Auglýsing -