Oddur Gretarsson og félagar unnu kærkominn sigur. Mynd/Balingen Weilstetten

Oddur Gretarsson skoraði fjögur mörk í fimm skotum þegar Balingen-Weistetten vann sjö marka sigur á GWD Minden í þýsku 1. deildinni í handknattleik í kvöld, 27:20, á útivelli. Balingen náði þar með að lyfta sér upp úr einu af fjórum neðstu sætum deildarinnar sem eru fallsæti þegar upp verður staðið í vor.


Balingen hefur nú 9 stig að loknum 16 leikjum. Liðið var með fimm marka forskot að loknum fyrri hálfleik.

Í hinum leik kvöldsins í deildinni tapaði Stuttgart óvænt fyrir botnliði Coburg, 29:23, á heimavelli. Viggó Kristjánsson mætti til leiks eftir heimsmeistaramótið og meiðsli í næst síðasta leik íslenska landsliðsins í mótinu, og skoraði sex mörk, þar af þrjú úr vítakasti. Elvar Ásgeirsson var ekki í leikmannahópi Stuttgart í kvöld.

Stuttgart er í tíunda sæti deildarinnar með 15 stig eftir 16 leiki. Coburg er áfram á botninum, nú með fjögur stig.

- Auglýsing -

Nýjustu fréttir

- Auglýsing -