Ivâna Meincke, númer 21, fagnar í leiknum í gær ásamt Fanneyju Þóru Þórsdóttur og Emmu Havin Sardarsdóttur. Mynd/Brynja T. - FH.

Grænlenski línumaðurinn Ivâna Meincke tók þátt í sínum fyrsta leik með FH liðinu í Grill66-deildinni í gærkvöld þegar FH vann Stjörnuna, 32:13 í kvöld. Meincke hefur áður leikið með félagsliðum í Færeyjum og í Grænlandi eftir því sem kemur fram á Facebook-síðu FH. Þar segir ennfremur að hún hafi átt sæti í grænlenska landsliðinu.


„Hún [Meincke – innskot] verður mikill styrkur fyrir liðið í vörn og sókn og verður áhugavert að fylgjast með henni í vetur,“ segir ennfremur á Facebook-síðu FH-inga.


Meincke er alls ekki fyrsti handknattleiksmaðurinn frá Grænlandi sem leikur með FH. Eqalunnguaq Kristiansen og Hans Peter Motzfeldt léku með karlaliði FH í upphafi aldarinnar.

Hér fyrir neðan má sjá brot úr leik FH og ungmennaliðs FH í gærkvöld.

- Auglýsing -

Nýjustu fréttir

- Auglýsing -