- Auglýsing -

Grímuleikur á Spáni – myndskeið

Frá leik Ademar León og Sinfin í spænska handboltanum gær. Mynd/Skjáskot af Twittersíðu Rasmus Boysen

Þegar lið Ademar León og BM Sinfin mættust í spænsku 1.deildinni í handknattleik í gær var leikmönnum beggja liða skylt að leika með grímur. Var það gert vegna vaxandi útbreiðslu kórónuveirunnar víða á Spáni.

Sennilega er þetta í fyrsta sinn sem handknattleiksmenn bera grímur í kappleik. Dómararnir voru einnig með grímur meðan á leiknum stóð. Á ýmsu gekk hvernig leikmönnum liðanna gekk að leika með grímurnar og hjá mörgum sigu grímurnar svo þær komu að litlu sem engu gagni.

Einhverntímann er allt fyrst. Óvíst er hvort þetta verði reynt aftur.

Ademar vann leikinn, 31:23. Fjórum af sjö leikjum sjöundu umferðar spænsku 1.deildar karla var frestað í gær.

Hér er stutt myndskeið frá grímuleiknum í León í gær.

- Auglýsing -
- Auglýsing -

Nýjustu fréttir

- Auglýsing -