Tinna Valgerður Gísladóttir var markahæsti hjá Gróttu. Mynd/Eyjólfur Garðarsson

Grótta treysti stöðu sína í fjórða sæti Grill 66-deildar kvenna í dag með því að sækja tvö stig í heimsókn til Víkinga í Víkinni í næst síðustu umferð deildarinnar, 33:24. Grótta hefur þar með 20 stig og sendi með sigrinum skýr skilaboð til annarra liða sem koma til með að keppa við liðið í umspili deildarinnar síðar í vor.


Fjórum mörkum munaði á liðunum í hálfleik, 19:15, en fátt var um varnir í leiknum, einkum í fyrri hálfleik. Þess í stað fékk sóknarleikurinn að njóta sín og þar kunni Tinna Valgerður Gísladóttir vel við sig. Hún skoraði átta mörk fyrir Gróttu og var markahæst. Arna Þyrí Ólafsdóttir var aðsópsmest í Víkingsliðinu eins og oftast næst á keppnistímabilinu. Eins var skyttan Auður Brynja Sölvadóttir vörn Gróttu stöðug ógn.


Víkingur situr í fjórða sæti með sex stig þegar liðið á einum leik eftir ólokið.


Mörk Víkings: Arna Þyrí Ólafsdóttir 7, Auður Brynja Sölvadóttir 6, Steinunn Birta Haraldsdóttir 3, Sigurlaug Jónsdóttir 3, Katrín Guðmundsdóttir 3, Karólína Ósk Arndal Sigurlaugardóttir 1, Ester Inga Ögmundsdóttir 1.
Mörk Gróttu: Tinna Valgerður Gísladóttir 8, Katrín Anna Ásmundsdóttir 7, Katrín Helga Sigurbergsdóttir 5, Anna Lára Davíðsdóttir 4, Valgerður Helga Ísaksdóttir 3, Steinunn Guðjónsdóttir 2, Rut Bernódusdóttir 2, Edda Steingrímsdóttir 1, Ágústa Huld Gunnarsdóttir 1.

Staðan í Grill 66-deild kvenna.

- Auglýsing -

Nýjustu fréttir

- Auglýsing -