- Auglýsing -
Guðjón Valur Sigurðsson byrjaði þjálfaraferil sinn á sigri í upphafsleik Gummersbach í þýsku 2.deildinni í handknattleik þegar liðið sótti VfL Lübeck-Schwartau heim, 27:25. Gummersbach var marki yfir í hálfleik, 14:13.
Eyjapeyinn Elliði Snær Viðarsson getur líka afar vel við unað en hann kom til Gummersbach í ágúst lok. Hann skoraði þrjú mörk úr jafnmörgum tilraunum og var einnig aðsópsmikill í vörn liðsins.
Guðjón Valur tók við þjálfun Gummersbach í sumar eftir að hafa bundið enda á langan og sigursælan feril sem handknattleiksmaður.
- Auglýsing -
