Guðmundur Þórður Guðmundsson fer á ný til Danmerkur. Mynd/Mummi Lú - HSÍ

Guðmundur Þórður Guðmundsson hefur skrifað undir þriggja ára samning um að taka við þjálfun danska karlaliðsins Fredericia Håndbold frá og með næsta sumri. Frá þessu er greint á vef TV2 í Danmörku en Vísir.is greindi fyrstur frá tíðindunum hér á landi.


Haft er eftir Guðmundi að hann hafi átt í viðræðum við stjórnendur Fredericia um skeið og greint forráðamönnum MT Melsungen frá því að hugur hans stefndi til Danmerkur á nýjan leik. Guðmundur segir að hann hafi notið þess að vera í Danmörku. Honum sé einkar kært að byggja upp lið og stefnt sé að því að Fredericia berjist um verðlaun eftir þrjú ár.

Frederica er eitt fimm liða í efstu sætum dönsku úrvalsdeildarinnar sem hefur unnið sér inn sex stig þegar þau hafa ýmist leikið þrjá eða fjóra leiki. Núverandi þjálfari, Jesper Houmark, rær á önnur mið eftir yfirstandandi keppnistímabil.


Guðmundur var þjálfari danska karlalandsliðsins frá 2014 til 2017og stýrði því til sigurs á Ólympíuleikunumí Ríó fyrir fimm árum. Einnig var hann þjálfari hjá GOG frá 2009 til 2010 þegar félagið varð gjaldþrota. Þá var hann um skeið einnig í starfi hjá AG Köbenhavn.

Guðmundur hætti hjá þýska liðinu MT Melsungen á síðasta föstudag.

- Auglýsing -

Nýjustu fréttir

- Auglýsing -