- Auglýsing -

Gummersbach áfram á sigurbraut

Guðjón Valur Sigurðsson, þjálfari Gummersbach, og Hákon Daði Styrmisson. Mynd/Philipp Ising

Gummersbach heldur áfram að innbyrða sigra í þýsku 2. deildinni í handknattleik og styrkja stöðu sína í efsta sæti deildarinnar. Í kvöld vann liðið Bietigheim með sjö marka mun, 32:25, á heimavelli. Eftir leikinn var greint frá því að þjálfarinn Guðjón Valur Sigurðsson hafi framlengt samning sinn um þjálfun liðsins frá á miðja áratuginn.


Elliði Snær Viðarsson skoraði fjögur mörk og átti ein stoðsendingu í þessu örugga sigri. Honum var einnig vísað af leikvelli í tvær mínútur. Hákon Daði Styrmisson skoraði þrjú mörk, þar af tvö úr vítaköstum fyrir Gummersbachliðið.


Anton Rúnarsson skoraði eitt mark og átti tvær stoðsendingar þegar lið hans TV Emsdetten vann HC Empor Rostock, 28:19, á heimavelli.


Arnar Birkir Hálfdánsson skoraði þrjú mörk er EHV Aue tapaði á útivelli fyrir Grosswallstadt, 26:22. Sveinbjörn Pétursson varði 12 skot, 35%, þann tíma sem hann stóð vaktina á milli markstanganna hjá EHV Aue.


Staðan í þýsku 2. deildinni:

Standings provided by SofaScore LiveScore
- Auglýsing -
- Auglýsing -

Nýjustu fréttir

- Auglýsing -