Gunnar Valur Arason t.h. ásamt Hans Liljendal Karlssyni formanni barna- og unglingaráðs Fjölnis. Mynd/Fjölnir

Gunnar Valur Arason hefur verið ráðinn yfirþjálfari yngri flokka Fjölnis til næstu þriggja ára. Hann tekur við starfinu af Andra Sigfússyni sem var á vordögum ráðinn verkefnastjóri hjá Gróttu.


Gunnar Valur hefur þjálfað meistaraflokk kvenna ásamt 3. og 4. fl. kvenna hjá félaginu síðast liðið ár. Gunnar Valur Arason er uppalinn hjá ÍR en þar lék hann í yngri flokkum og byrjaði ungur að þjálfa og hefur því mikla reynslu sem þjálfari yngri flokka.


Samhliða þjálfun lék Gunnar Valur með Kríu í Grill66-deildinni á nýliðnu keppnistímabili.


„Hér er mikill reynslubolti á ferð fullur eldmóði fyrir starfinu og endalausri ástríðu á handbolta. Barna- og unglingaráð býður Gunnar Val velkominn í þetta afar mikilvæga starf fyrir deildina,“ segir í tilkynningu frá handknattleiksdeild Fjölnis.

- Auglýsing -

Nýjustu fréttir

- Auglýsing -