- Auglýsing -

Hætt við leik hjá Erlingi og lærisveinum

Erlingur Richardsson, landsliðsþjálfari Hollands. Mynd/EPA

Ekkert verður af síðari vináttulandsleik Svía og Hollendinga í handknattleik karla sem fram átti að fara í Alingsås í Svíþjóð í dag. Eyjamaðurinn Erlingur Richardsson er þjálfari hollenska landsliðsins sem verður með íslenska landsliðinu í riðli á Evrópumeistaramótinu sem hefst á fimmtudaginn.



Covid smit hafa greinst innan sænska og hollenska hópsins eftir því sem TV2 í Danmörku greinir frá í morgun. Meðal smitaðra er Hampus Wanne, ein helst driffjöður sænska landsliðsins.

Hollenska handknattleikssambandið hefur staðfest að Ephrahim Jerry sé smitaður í hollenska hópnum. Jerry er leikmaður svissneska liðsins Kadetten Schaffhausen sem Aðalsteinn Eyjólfsson þjálfar.



Svíar unnu Hollendinga í vináttuleik í Alingsås á fimmtudagskvöld, 34:30.
Wanne er þriðji leikmaður sænska landsliðsins sem hefur greinst smitaður af covid síðan um áramótin.

Viðureign Íslands og Hollands á EM á að fara fram á sunnudaginn eftir viku í Búdapest.

- Auglýsing -
- Auglýsing -

Nýjustu fréttir

- Auglýsing -