Hættir í sumar hjá ÍBV og flytur norður til Akureyrar

Fannar Þór Friðgeirsson. Mynd/ÍBV

Þessi frétt hefur verið uppfærð eftir að nákvæmari upplýsingar bárust handbolta.is frá Fannari Þór Friðgeirssyni vegna afar ónákvæmra upplýsinga í frétt á eyjar.net. sem vitnað var til. Eins hefur fyrirsögn verið hnikað til.

„Það hefur eitthvað skolast til upplýsingarnar varðandi starfslok mín hérna í Eyjum. Ég ætla að klára tímabilið hér í Eyjum og flytja svo norður næsta sumar. Ég sagði sem sagt upp seinna árinu á nýjum tveggja ára samning mínum við félagið fyrir síðustu helgi,” sagði Fannar Þór við handbolta.is fyrir stundu.

Upphafleg frétt er hér að neðan með húð og hala reyndar með sviga utan um það sem ekkert er rétt.

(Fannar Þór Friðgeirsson tekur ekki upp þráðinn með ÍBV eftir áramótin þegar keppni verður vonandi haldið áfram í Olísdeild karla).

Hann hefur ákveðið að leggja handboltaskóna á hilluna, venda kvæði sínu í kross og flytja norður á Akureyri. Þar ætlar Fannar Þór og kona hans að taka við rekstri bakarís og kaffihúss, Bakaríið við brúna. Þetta kemur fram á vefsíðunni eyjar.net í dag.

Fannar Þór kom til ÍBV sumarið 2018 eftir að hafa árum saman leikið með félagsliðum í Þýskalandi. Hann varð bikarmeistari með ÍBV í byrjun mars og endurnýjaði samning sinn við ÍBV í upphafi þessa árs.

Fannar skoraði 44 mörk í 19 leikjum á síðasta tímabili í Olísdeildinni.

Fannar Þór lék með Val um árabil áður en hann fór til Þýskalands 2010 hvar hann lék m.a. með Emsdetten, Wetzlar, Grosswallstadt og Eintracht Hagen. Fannar Þór var m.a. í íslenska landsliðinu á HM á Spáni 2013.

- Auglýsing -

Nýjustu fréttir

- Auglýsing -