Hafnarfjarðarmótinu haldið áfram

Gytis Smantauskas, nýr liðsmaður FH, verður í eldínunni á Hafnarfjarðarmótinu í kvöld. Mynd/J.L.Long

Annar leikdagur á Hafnarfjarðarmótinu í handknattleik karla verður í dag. Eins og í fyrradag verður leikið í Kaplakrika. FH-ingar ríða á vaðið þegar þeir mæta Stjörnunni í leik sem hefst klukkan 18. Tveimur stundum síðar hefst viðureign Hauka og Aftureldingar.


Haukar unnu Stjörnuna, 34:29, á þriðjudaginn og FH lagði Aftureldingu, 31:27. Lokaumferð mótsins verður leikin á laugardaginn.


Áhorfendur eru velkomnir á leikina í Kaplakrika þar sem ítrustu sóttvarna verður gætt. Nægt pláss er í húsinu. Einnig verður hægt að fylgjast með leikjunum í beinni útsendingu á youtuberás FH – FH handbolti í beinni.

Hamza Kablouti kom til liðs við Aftureldingu á dögunum frá franska liðinu Ivry. Mynd/J.L.Long
- Auglýsing -

Nýjustu fréttir

- Auglýsing -