Tjörvi Þorgeirsson leikstjórnandi Hauka á auðum sjó í leiknum við Aftureldingu í kvöld. Mynd/J.L.Long

FH og Haukar héldu sigurgöngu sinni áfram á Hafnarfjarðarmóti karla í handknattleik í Kaplakrika í kvöld. Fyrir vikið mætast þau í úrslitaleik mótsins á laugardaginn.

FH-ingar lögðu Stjörnuna með sex marka mun og líkt og gegn Aftureldingu í fyrrakvöld þá var FH-liðið sterkara í síðari hálfleik. Staðan var jöfn að loknum fyrri hálfleik, 14:14.

FH-ingurinn Jón Bjarni Ólafsson í hörðum slag við Jón Ásgeir Eyjólfsson, Stjörnumann. Mynd/J.L.Long


Mörk FH: Ásbjörn Friðriksson 7, Birgir Már Birgisson 7, Gytis Smantauskas 4, Einar Örn Sindrason 3, Jón Bjarni Ólafsson 3, Jóhann Birgir Ingvarsson 3, Ágúst Birgisson 2, Jakob Martin Ásgeirsson 2, Eiríkur Guðni Þórarinsson 1, Egill Magnússon 1.
Mörk Stjörnunnar: Hafþór Már Vignisson 6, Dagur Gautason 5, Leó Snær Pétursson 5, Tandri Már Konráðsson 4, Starri Friðriksson 3, Jón Ásgeir Eyjólfsson 2, Hjálmtýr Alfreðsson 2.

Ásbjörn Friðriksson, FH-ingur, reyndist Stjörnumönnum óþægur ljár í þúfu í kvöld. Mynd/J.L.Long


Haukar áttu undir högg að sækja framan af gegn Aftureldingu í síðari leik kvöldsins á Hafnarfjarðarmótinu. Þeir voru fjórum mörkum undir að loknum fyrri hálfleik en tókst að snúa við blaðinu þegar á síðari hálfleik leið. Þegar upp var staðið fögnuðu Haukar þriggja marka sigri, 33:30.

Stefán Rafn Sigurmannsson að skora eitt átta marka sinna framhjá fyrrverandi liðsfélaga sínum Andra Scheving Sigmarssyni núverandi markverði Aftureldingar. Mynd/J.L.Long


Mörk Hauka: Stefán Rafn Sigurmannsson 8, Brynjólfur Snær Brynjólfsson 5, Ólafur Ægir Ólafsson 4, Geir Guðmundsson 4, Tjörvi Þorgeirsson 4, Darri Aronsson 3, Adam Haukur Baumruk 2, Andri Fannar Elísson 1, Heimir Óli Heimisson 1, Þráinn Orri Jónsson 1.
Mörk Aftureldingar: Hamza Kablouti 9, Árni Bragi Eyjólfsson 5, Þorsteinn Leó Gunnarsson 4, Einar Ingi Hrafnsson 4, Úlfur Páll Monsi Þórðarson 2, Bergvin Þór Gíslason 2, Gunnar Malmquist Þórsson 2, Guðmundur Bragi Ástþórsson 2.

Darri Aronsson kemur skoti á mark Aftureldingar án þess að Bergvin Þór Gíslason fái rönd við reist. Mynd/J.L.Long


Haukar mæta FH-ingum í úrslitaleik mótsins klukkan 13 á laugardaginn í Kaplakrika. Afturelding og Stjarnan eigast við klukkan 11.

- Auglýsing -

Nýjustu fréttir

- Auglýsing -