- Auglýsing -
Kristján Örn Kristjánsson, Donni, skoraði þrjú mörk í fimm skotum og átti auk þess tvær stoðsendingar þegar lið hans PAUC vann nýliða Saran örugglega í frönsku 1. deildinni í handknattleik á heimavelli í kvöld, 32:26.
Saranliðið, sem er næst neðsta sæti, hélt í við Donna og félaga í fyrri hálfleik en í þeim síðari skildu leiðir sem eðlilegt er því að PAUC er í þriðja sæti deildarinnar. Wesley Pardin, landsliðsmarkvörður Frakka, varði vel í marki PAUC, var með 39% hlutfallsmarkvörslu.
PAUC fylgir Nantes fast eftir í öðru til þriðja sæti deildarinnar. Liðin eru jöfn að stigum, með 23 stig hvort. PSG er sem fyrr efst og ósigrað.
Staðan í frönsku 1. deildinni:
Standings provided by SofaScore LiveScore
- Auglýsing -
