Handball Special: „Grjótkastarinn“ úr Breiðholti

Fimmti þáttur hlaðvarpsins Handball Special í umsjón Tryggva Rafnssonar er kominn út. Að þessu sinni er rætt við „grjótkastarann“ úr Breiðholti. Einar Hólmgeirsson sló í gegn með ÍR í byrjun aldarinnar þegar hann beyglaði markstangir, reif marknetin og hamraði hverri sleggjunni á fætur annarri í markið. Einar hélt áfram að negla boltanum á 400 km hraða í Þýskalandi og með landsliðinu en fékk einnig allt of vænan skerf af hinum ýmsu meiðslum. Hann nennir engu veseni, var vakinn af Alexander Petterson á óhugnalegan hátt og var rotaður í loftinu í leik… og það var allt Ásgeiri Erni að kenna! Þekktur fyrir sín þrumuskot… Einar Hólmgeirsson!

Aðgengilegur á öllum helstu hlaðvarpsveitum eins og áður.