Handboltabúningar FH kæta ungmenni í Búrkina Fasó

Mynd/J.L.Long

Keppnisbúningar barna og unglinga sem eitt sinn voru notuð af ungum FH-ingum eru nemum við skóla í borginni Bobo-Dioulasso í Búrkina Fasó í Afríku nú til gleði við íþróttaiðkun þeirra. Búningarnir, ásamt fleiri hlutum bárust til skólans fyrir milligöngu ABC barnahjálpar hér á landi. Meðal þeirra sem lögðu söfnuninni lið voru Samtök íslenskra ólympíufara (SÍÓ) sem Jón Hjaltalín Magnússon, fyrrverandi formaður HSÍ stendur í stafni fyrir.


Á síðastliðnum vetri stóð ABC fyrir víðtækri söfnum hér á landi til styðja við skólann Bobo-Dioulasso í Búrkina Fasó. Samtök íslenskra ólympíufara leituðu m.a. til íþróttafélaga um íþróttabúnað, bolta, gamla búninga og skó til að senda út í gámi sem héðan fór ásamt margvíslegu öðru sem að gagni gat komið við skólann. Var þar ekki eingöngu um íþróttavarning að ræða.

Einnig gaf SÍÓ 100 nýja bolta til skólans sem nota má til þess að leika blak, fótbolta, handbolta og körfubolta.


Markmiðið var og er að byggja upp öflugt íþróttastarf fyrir nemendur skólans sem er undir verndarvæng ABC.


Margir svöruðu ákallinu frá ABC og SÍÓ, þar á meðal FH eins og sjá má á myndskeiðinu hér fyrir neðan.

- Auglýsing -

Nýjustu fréttir

- Auglýsing -