Völsungur í samstarfi við HSÍ blæs til handboltahelgi á Húsavík um helgina. Gunnar Magnússon þjálfari Aftureldingar og aðstoðarþjálfari A landsliðs karla og Jónatan Magnússon þjálfari KA munu stýra æfingum fyrir allan aldur grunnskólakrakka á Húsavík.
Völsungur hefur verið með æfingar fyrir 5. – 8. flokk karla og kvenna og hefur Heiða Elín Aðalsteinsdóttir haldið utan um starf Völsungs í handbolta.
Það er von HSÍ að krakkarnir á Húsavík fjölmenni á æfingarnar, segir í tilkynningu frá Handknattleikssambandi Íslands.
19. september;kl.12-13.30, æfingar fyrir 7. -10. bekk öll kyn,
Kl.13.30-15.30, æfingar fyrir 1.-6. bekk, öll kyn
20. september; Kl.10 -11.30 æfingar fyrir 1.-6. bekk öll kyn,
Kl.11.30-13.00 æfingar fyrir 7.-10. bekk öll kyn
Hægt er að fylgjast með handboltastarfi Völsungs á eftirfarandi slóð:
https://www.facebook.com/handboltivolsungur/
