Handboltinn okkar: Farið yfir sviðið í Olísdeild kvenna

Nýr þáttur frá strákunum í hlaðvarpsþættinum Handboltinn okkar kom út í gærkvöld og í þætti dagsins taka þeir félagar Jói Lange og Gestur fyrir 9. umferð í Olísdeild kvenna. Þar fóru þeir rækilega yfir atvikið sem átti sér stað í Garðabænum í leik Stjörnunnar og KA/Þórs þar sem mistök áttu sér stað á tímavarðarborðinu þegar að mark var ofskráð á lið KA/Þórs. Einnig ræddu þeir aðeins um ásakanir Britney Cots á hendur Sigurði Bragasyni, þjálfari ÍBV, þess efnis að hann hafi hrint sér. Þeir félagar gáfu lítið fyrir þær ásakanir og hreinlega óskuðu eftir því að Britney myndi einbeita sér að því að spila handbolta.

Jói og Gestur héldu svo uppteknum hætti að tilnefna þá leikmenn sem koma til greina sem BK leikmaður umferðarinnar en þar sem einum leik í 9. umferð var frestað framá þriðjudag mun kosningin ekki hefjast fyrr en á miðvikudag. Þeir leikmenn sem koma til greina eru Annika Friðheim Petersen, Haukum, Steinunn Björnsdóttir, Fram, og Helena Rut Örvarsdóttir, Stjörnunni.

Næsti þáttur hjá þeim félögum verður annað kvöld, þriðjudagskvöld. Þá munu þeir fara yfir allt það sem gerðist í 9. umferð Olísdeildar karla.

Nýja þáttinn er hægt að nálgast hér fyrir neðan.

- Auglýsing -

Nýjustu fréttir

- Auglýsing -