Handboltinn okkar: Farið yfir umdeild atriði

36. þáttur af hlaðvarpsþættinum Handboltinn okkar kom út í dag. Í þætti dagsins fara strákarnir yfir 10. umferð í Olísdeild karla. Það var margt áhugavert sem gerðist í umferðinni.  Þeir fara yfir það hvernig Valsmenn virtust fara á taugum undir lok leiks á móti KA. Þeim fannst dómarar leiksins ekki halda haus undir lokin og virtist sem þeir létu pirring Valsmanna fara fyrir brjóstið á sér. Þá fóru þeir yfir nokkur brot í umferðinni sem þeir telji verðskulda rautt spjald og vilja hreinlega að verði eytt úr handboltanum.

Þá voru þeir félagar ánægðir með það hvernig Bjögvin Páll Gústavsson svaraði fyrir gagnrýnina og sýndi þeim félögum að hann væri einn af betri markvörðum deildarinnar en hins vegar lýsa þeir enn eftir meira framlagi frá Karolis Stropus leikmanni Þórs.

Þá halda þeir félagar uppteknum hætti og tilnefna þá leikmenn sem koma til greina sem BK leikmaður 10. umferðar en þeir sem eru tilnefndir að þessu sinni eru þeir, Björgvin Páll Gústavsson (Haukum), Arnór Viðarsson (ÍBV), Birgir Már Birgisson (FH), Adam Thorstensen (Stjörnunni), Jóhann Geir Sævarsson (KA) og Stefán Huldar Stefánsson (Gróttu).

Næsti þáttur hjá þeim félögum kemur út á þriðjudaginn 23. febrúar.

- Auglýsing -

Nýjustu fréttir

- Auglýsing -