45. þáttur af hlaðvarpsþættinum Handboltinn okkar er kominn út. Jói Lange er enn fjarri góðu gamni en þeir Gestur og Arnar héldu boltanum á lofti í þessum þætti. Þeir fóru yfir allt það helsta sem gerðist í 15. umferð í Olísdeild karla þar sem þeir félagar meðal annars hrósa Gunnari Magnússyni þjálfara Aftureldingar fyrir að kreista mikið út úr ungu liði sínu.
Þá fóru þeir aðeins yfir þau dómsmál sem hafa verið í gangi í handboltanum undanfarið þar sem þeir lýsa furðu sinni á vinnubrögðum dómstóla HSÍ.
Sem fyrr héldu þeir áfram að velja þá leikmenn sem koma til greina sem BK leikmaður umferðarinnar. Þeir sem koma til álita í valinu eru: Stefán Darri Þórsson (Fram), Kári Kristján Kristjánsson (ÍBV), Blær Hinriksson (Aftureldingu), Adam Haukur Baumruk (Haukum), Phil Döhler (FH) og Starri Friðriksson (Stjörnunni).
Hægt er nálgast þáttinn á hlekknum hér fyrir neðan.
