Handboltinn okkar: Horft um öxl – vonbrigði og óvænt ánægja

Drengirnir í Hlaðvarpsþættinum Handboltinn okkar skelltu sér í Klaka stúdíóið sitt í gærkvöld og gáfu út nýjan þátt. Umsjónarmenn þáttarins að þessu sinni voru Jói Lange og Kristinn Guðmundsson. Í þættinum fóru þeir yfir allt það markverðasta sem gerðist í 1. umferð Olísdeildar kvenna.

HK-liðið olli þeim vonbrigðum og þá í sér í lagi spilamennskan í seinni hálfleik gegn Haukum. Þessi lið eru líkleg til að berjast um það hvort fari í umspil í vor.  Þá kom byrjun Aftureldingar gegn Val þeim á óvart og voru þeir í raun bara nokkuð ánægðir með spilamennsku þeirra þó að sigur Vals hafi vissulega verið sannfærandi. 

Að lokum völdu þeir þá leikmenn sem koma til greina sem Klaka leikmaður umferðarinnar en það eru þær Hildigunnur Einarsdóttir (Val), Hafdís Renötudóttir (Fram), Birta Lind Jóhannsdóttir (Haukum) og Martha Hermannsdóttir (KA/Þór).

- Auglýsing -

Nýjustu fréttir

- Auglýsing -