Handboltinn okkar: Hrós á FH og Ásgeir, framfarir dómara og Haukanna

43. þáttur af Handboltinn okkar kom út í gærkvöld. Í þættinum fóru Jói Lange og Gestur yfir 11. umferð í Olísdeild kvenna. Þeir lýstu yfir mikilli ánægju með baráttuandann sem FH stúlkur sýndu í leiknum gegn HK og hefðu viljað sá þetta hjá þeim mikið fyrr. Eins hrósuðu þeir Ásgeiri Jónssyni formanni FH fyrir frábæra lýsingu á FHTV.

Haukarnir sýndu enn einu sinni hversu miklar framfarir hafa orðið hjá þeim undir stjórn Gunnars Gunnarssonar en liðið var aðeins hársbreidd frá því að taka bæði stigin sem í boði voru fyrir norðan. Þá vildu þeir sérstaklega taka það fram hvað dómararnir í leik ÍBV og Fram, þeir Árni Snær Magnússon og Þorvarð Bjarmi Harðarson voru góðir og gaman að sjá hversu miklum framförum þeir hafa tekið í vetur.

Þá völdu þeir þá leikmenn sem koma til greina sem BK leikmaður 11.umferðar en það eru þær Sara Odden (Haukum), Hrafnhildur Hanna Þrastardóttir (ÍBV), Alexandra Von Gunnarsdóttir (HK) og Lovísa Thompson (Val).

- Auglýsing -

Nýjustu fréttir

- Auglýsing -