Handboltinn okkar: Sævar um kærumálið og fordæmi

48. þáttur af Handboltinn okkar kom út í gærkvöld. Að þessu sinni fengu Jói og Gestur, Sævar Pétursson framkvæmdarstjóra KA í spjall og fóru yfir stöðuna á kærumálinu eftir leik Stjörnunnar og KA/Þórs í Olísdeild kvenna. Sævar lýsti furðu sinni yfir niðurstöðu áfrýjunardómstóls HSÍ og sagði jafnframt að forsvarsmenn KA/Þórs væru að velta fyrir sér næstu skrefum en það yrði áfrýjun til dómstóls ÍSÍ. Þeir myndu líklega taka ákvörðun um það á morgun þriðjudag.


Norðanmenn óttast mjög hvaða fordæmi þessi dómur geti gefið þegar að kemur mistökum við framkvæmd leikja og velta því jafnframt fyrir sér að hann geti mögulega orðið fordæmisgefandi fyrir aðrar íþróttagreinar.
Einnig fóru þeir félagar yfir það að sögur hermi að Valsmenn hafi æft af fullum krafti í æfingabanninu og þar með brotið sóttvarnarlög sem verður að teljast alvarlegt mál ef satt reyndist. Hvöttu þeir félagar HSÍ til að kanna málið.   


Næsti þáttur hjá þeim félögum verður á fimmtudaginn. Þá stendur til að fara yfir leiki dagsins í Olísdeild karla ásamt því að rýna í landsleik kvenna á milli Íslands og Slóveníu í forkeppni HM.

- Auglýsing -

Nýjustu fréttir

- Auglýsing -