Handboltinn okkar: Úrslitakeppni kvenna og karla – óvænt í umspilinu

Strákarnir í hlaðvarpsþættinum Handboltinn okkar gáfu út sinn 62. þátt í dag og umsjónarmenn þáttarins að þessu sinni voru þeir Jói Lange, Gestur Guðrúnarson og Arnar Gunnarsson. Þeir byrjuðu á því í þessum þætti að fara yfir oddaleik KA/Þórs og ÍBV í undanúrslitum í Olísdeild kvenna ásamt því kíkja á möguleika KA/Þórs og Vals í úrslitaeinvíginu sem framundan er.

Því næst kíktu þeir félagar á leikina sem eru framundan í 8-liða úrslitum í Olísdeild karla. Þeir eru sammála því að nýtt fyrirkomulag bjóði uppá að það gætu orðið óvænt úrslit. Ríkir mikil eftirvænting meðal þremenninganna  fyrir úrslitakeppninni.

Að endingu kíktu þeir aðeins yfir umspilið um laust sæti í Olísdeild  karla þar sem að Víkingur og Kría eigast við. Það kom þeim mjög á óvart að Kría hafi unnið fyrsta leikinn í því einvígi.

- Auglýsing -

Nýjustu fréttir

- Auglýsing -