Hlaðvarpsþátturinn Handboltinn okkar var á ferðinni í kvöld þar sem að umsjónarmenn þáttarins fjölluðu um seinni leik Vals og KA/Þórs í úrslitaeinvíginu um Íslandsmeistaratitilinn í Olísdeild kvenna.
Norðanstúlkur voru með frumkvæðið allan leikinn en þó gerðu Valsstúlkur áhlaup undir lok leiksins en allt kom fyrir ekki. KA/Þórs liðið stóðs áhlaupið eins og flest önnur sem þær hafa fengið á sig í vetur og unnu að lokum tveggja marka sigur og urðu þar með Íslandsmeistarar í fyrsta skipti í sögu félagsins.
Þeir félagar völdu besta leikmann úrslitakeppninnar. Að þeirra mati var það Rut Arnfjörð Jónsdóttir sem þeim fannst vera best.
Því næst kíktu þeir á leikina sem eru framundan í undanúrslitum í Olísdeild karla þar sem þeir félagar eiga von á hörku einvígi hjá ÍBV og Val en þeim finnst líklegt að Haukar sigli þægilega í gegnum Stjörnuna.
Undir lok þáttar fóru þeir yfir það slúður sem þeim hefur borist til eyrna.
