Það verður heldur betur blásið til handboltaveislu í þættinum Handboltinn okkar í kvöld en þá verður þátturinn í beinni útsendingu milli 20:00 og 22:00 á Sport FM 102,5 og verður útsendingin í boði Tuborg og Dominos.
Það verður gestagangur hjá þeim félögum í þessum þætti. Snorri Steinn Guðjónsson og Patrekur Jóhannesson koma í spjall sem og reynt verður að fá svör frá HSÍ um það hvaða möguleikar séu í stöðunni varðandi mótahaldið í vetur.
Það er svo aldrei að vita nema fleiri nöfn bætist við gestalistann og þá er aldrei að vita nema að opnað verði fyrir símalínurnar og fólk geti tjáð skoðanir sínar. Hvetjum alla handboltaunnendur að stilla viðtækin sín á Sport FM 102,5 í kvöld og taka þátt í gleðinni.
Einfalt er að hlusta á þáttinn í símanum í gegnum Spilarann sem nálgast má hér.
