Handkastið: Vaknað úr dvala með viðhafnarútgáfu

Elvar Örn Jónsson er sennilega á leið til Þýskalands í sumar. Mynd/Guðmundur Lúðvíksson

Strákarnir í Handkastinu, þeir Arnar Daði, Theódór Ingi og Styrmir Sigurðsson tóku upp viðhafnarútgáfu af þætti sínum í gærkvöldi.
Fóru þeir yfir landsleik Íslands og Litháens sem fram fór vikunni auk þess að fara yfir málin í Olís-deild karla en ekkert hefur verið leikið í deildinni að undanförnu og enn óljóst hvenær deildin getur farið aftur af stað.

Theódór Ingi, fékk það verkefni að velja úrvalslið leikmanna sem hefur komið honum á óvart í deildinni hingað til á meðan Styrmir fékk það verkefni að velja úrvalslið leikmanna sem þarf að rífa sig í gang eftir frammistöðu sína í fyrstu fjórum umferðunum.


Auk þess settu strákarnir upp keppni í þættinum þar sem Theódór og Styrmir fóru í svokallaða, Draft-keppni þar sem þeir reyndu að stilla upp sterkasta byrjunarliðinu af leikmönnum í Olís-deildinni en þeir máttu ekki velja sama leikmanninn. Kosning um betra liðið fer fram á Twitter-síðu þáttarins: https://twitter.com/handkastid/status/1324646718739255296

Þáttinn má hlusta á, í öllum helstu hlaðvarpsveitum og einnig á SoundCloud.

- Auglýsing -

Nýjustu fréttir

- Auglýsing -