Endijs Kusners, Raivis Gorbunovs og Guntis Pilpuks, leikmenn Harðar á Ísafirði, voru allir valdir í A-landslið Lettlands vegna leiks í undankeppni EM karla sem fram fer í lok næstu viku. Allir ákváðu þeir að afþakka sæti í landsliðinu vegna þess ástands sem ríkir út af kórónuveirunni.


Lettar eiga að leika við Hvít-Rússa í Lettlandi laugardaginn 13. mars. Reyndar stóð til að þeir mættu einnig Norðmönnum í næstu viku en viðureigninni var frestað fram í lok apríl vegna strangra sóttvarna í Noregi.

Valinn í U18 ára lið Serba

Þá hefur Aleksa Stevanovic, leikmaður Harðar, verið valinn í U18 ára landslið Serba sem leikur tvo leiki við landslið Ísrael 13. og 14. mars. Eftir því sem næst verður komist hyggst Stevanovic þiggja boðið.

- Auglýsing -

Nýjustu fréttir

- Auglýsing -