Harra hefur verið vikið frá störfum

Halldór Harri Kristjánsson hefur verið vikið úr starfi hjá HK. Mynd/Eyjólfur Garðarsson

HK hefur vikið Halldóri Harra Kristjánssyni þjálfara meistaraflokksliðs kvenna frá störfum. Tekur uppsögnin gildi nú þegar eftir því sem fram kemur í yfirlýsingu frá stjórn handknattleiksdeildar HK í kvöld.


Handbolti.is greindi frá því fyrr í vikunni að Harri hafi ákveðið að nýta sér uppsagnarákvæði í samningi sínum og hætta störfum í lok leiktíðar. HK-ingar hafa hinsvegar ákveðið að bíða ekki boðanna og skipta um þjálfara nú þegar. Ekki hefur verið gert opinbert hver tekur við af Harra.

Kristín Guðmundsdóttir aðstoðarþjálfari meistaraflokks kvenna hættir einnig en verður áfram þjálfari U-lið HK sem leikur í Grill66-deildinni.


Fram kemur í yfirlýsingu HK að einhugur hafi verið hjá stjórn að breytinga væri þörf á þessum tímapunkti. HK er í næst neðsta sæti af átta liðum Olísdeildar.


Harri var á sínu fjórða keppnistímabili í stóli þjálfara. Hann er annar þjálfarinn sem er leystur frá störfum í Olísdeild kvenna á keppnistímabilinu. Í síðasta mánuði var Rakel Dögg Bragadóttir leyst frá störfum hjá Stjörnunni. Í kjölfarið sagði Sigurjón Friðbjörn Björnsson sjálfviljugur upp starfi aðstoðarþjálfara.

- Auglýsing -

Nýjustu fréttir

- Auglýsing -