Haukar fóru illa með leikmenn Selfoss í kvöld í viðureign liðanna í Olísdeild karla en leikið var í Schenkerhöllinni á Ásvöllum. Þegar upp var staðið var munurinn níu mörk, 31:22, en mestur varð munurinn 12 mörk, 30:18, skömmu fyrir leikslok. Heimamenn voru sex mörkum yfir í hálfleik, 16:10.
Eftir að hafa verið sex mörkum undir í hálfleik tókst Selfossliðinu að minnka muninn í þrjú mörk snemma í síðari hálfleik áður en leikmenn Hauka gerðu út um leikin.
Aron Rafn Eðvarðsson átti stórleik í marki Hauka. Hann varði 15 skot var með 45% hlutfallsmarkvörslu. Selfoss-liði átti erfitt uppdráttar jafnt í vörn sem sókn og vantaði m.a. Atla Ævar Ingólfsson línumann í liðið.
Haukar hafa þar með fimm stig að loknum sex leikjum en Selfoss er með tvö stig eftir jafnmargar viðureignir.
Mörk Hauka: Stefán Rafn Sigurmannsson 5/1, Darri Aronsson 5, Þráinn Orri Jónsson 4, Geir Guðmundsson 4, Adam Haukur Baumruk 2, Tjörvi Þorgeirsson 2, Halldór Ingi Jónasson 2, Ólafur Ægir Ólafsson 2, Brynjólfur Snær Brynjólfsson 2, Þorfinnur Máni Björnsson 1, Atli Már Báruson 1, Aron Rafn Eðvarðsson 1.
Varin skot: Aron Rafn Eðvarðsson 15/1, 45,5% – Stefán Huldar Stefánsson 0.
Mörk Selfoss: Ragnar Jóhannsson 8/2, Einar Sverrisson 4/3, Ísak Gústafsson 2, Gunnar Flosi Grétarsson 2, Hergeir Grímsson 2/1, Karolis Stropus 1, Richards Sæþór Sigurðsson 1, Elvar Elí Hallgrímsson 1, Alexander Már Egan 1.
Varin skot: Vilius Rasimas 8, 25% – Sölvi Ólafsson 1, 14,3%.
Staðan í Olísdeild karla er hér.
Öll tölfræði leiksins er hjá HBStatz.
