Haukar fóru illa með Vængina

Mynd/Eyjólfur Garðarsson

Leikmenn Vængja Júpíters fengu ekki byr undir báða vængi í dag þegar þeir mættu ungmennaliði Hauka í Dalhúsum líkt og þeir hlutu fyrir helgina þegar þeir tóku á móti ungmennaliði Aftureldingar. Segja má að Vægnirnir hafi brotlent að þessu sinni því þeir töpuðu með 20 marka mun fyrir frískum leikmönnum Hauka sem svifu á braut með stigin tvö, lokatölur, 37:17.


Haukar voru níu mörkum yfir að loknum fyrri hálfleik, 15:6. Þeir gáfu leikmönnum Vængja engin grið. Hafnarfjarðarliðið er í sjötta sæti með 18 stig eins og ungmennalið Selfoss. Haukar hafa leikið þremur leikjum færra.


Lið Vængjanna er næst neðst með sjö stig, er tveimur á eftir Kórdrengjum.


Mörk Hauka U.: Gísli Rúnar Jóhannsson 9, Jón Brynjar Kjartansson 4, Össur Haraldsson 4, Andri Fannar Elísson 3, Sigurður Jónsson 3, Mikael Andri Samúelsson 3, Kristófer Máni Jónasson 2, Birkir Snær Steinsson 2, Þorfinnur Máni Björnsson 2, Jakob Aronsson 1, Þórarinn Þórarinsson 1, Þórarinn Leví Traustason 1, Páll Þór Kolbeins 1, Lárus Þór Björgvinsson 1.
Magnús Gunnar Karlsson varði 10 skot í markinu.

Mörk VJ.: Gísli Steinar Valmundsson 5, Gunnar Valur Arason 3, Viktor Orri Þorsteinsson 2, Leifur Óskarsson 2, Brynjar Jökull Guðmundsson 2, Ragnar Áki Ragnarsson 2, Róbert Pettersson 1.

Stöðu og næstu leiki í Grill66-deild karla er að finna hér.

- Auglýsing -

Nýjustu fréttir

- Auglýsing -