Héðan og þaðan: Aðalsteinn krækti í leikmann Berlínar

Aðalsteinn Eyjólfsson, þjálfari Kadetten Schaffhausen í Sviss. Mynd/Kadetten Schaffhausen
  • Hinn tvítugi leikstjórnandi Torben Matzken yfirgaf Füchse Berlin í sumar og gekk til liðs við Kadetten Shaffhausen í Sviss og varð þar með lærisveinn Aðalsteins Eyjólfssonar sem tók við þjálfun svissneska meistaraliðsins um mitt ár eftir margra ára veru við þjálfun í Þýskalandi.
Ondřej Zdráhala er leið til Katar að leika handknattleik. Mynd/EPA
  • Tékkinn Ondřej Zdráhala sem varð markakóngur EM2018 yfirgaf Póllandi á sumarmánuðum og skrifaði undir samning við Al Wakrah SC í Katar. Zdráhala er orðinn 37 ára gamall.
Marko Vujin lék árum saman undir stjórn Alfreðs Gíslasonar hjá THW Kiel. Mynd/EPA
  • Marko Vujin, sem árum saman lék með THW Kiel, er nú orðinn liðsmaður Evrópumeistara RK Vardar. Vujin lék með Sporting Lissabon á síðasta keppnistímabil eftir að hafa yfirgefið Kiel að lokinni sjö ára dvöl vorið 2019. Einnig tryggði RK Vardar sér krafta Goce Georgievski og Filip Taleski. Báðir eru á meðal þekktustu landsliðsmanna Norður-Makedóníu.
  • Spænska handknattleikssambandið, í samstarfi við orkufyrirtækið Iberdrola, styrkti liðin 12 sem eiga sæti í efstu deild kvenna um 200.000 evrur í sumar, jafnvirði ríflega 32 milljónir króna. Orkufyrirækið er aðalstyrktaraðili deildarinnar sem ber nafn fyrirtækisins. Greiðslan kom til til viðbótar við ríflega 100.000 evrur sem greiddar voru út eftir að deildarkeppninni lauk snögglega í vor.
  • Hanial Langaro, 25 ára gamall brasilískur landsliðsmaður, varð liðsmaður Barcelona fyrir skömmu. Hann kom til Katalóníu úr herbúðum Dunkerque í Frakklandi.

- Auglýsing -

Nýjustu fréttir

- Auglýsing -