Hafa óskað eftir undanþágu

Ýmir Örn Gíslason er klár í slaginn gegn Alsír annað kvöld á HM. Mynd/EPA

Handknattleikssamband Íslands, HSÍ, hefur óskað eftir við heilbrigðisráðuneytið að veittar verði undanþágur frá sóttvarnareglum til að leikir íslenska karlalandsliðsins 4. og 7. nóvember megi fara fram í Laugardalshöll. Róbert Geir Gíslason, framkvæmdastjóri Handknattleikssambands Íslands, staðfesti þetta við handbolta.is.

Leikirnir sem verða gegn landsliðum Litháen og Ísrael verða fyrsti liðurinn í undankeppni EM 2022.

„Við bindum vonir við að ráðuneytið taki jákvætt í ósk okkar og veiti undanþágu svo leikirnir megi fara fram,“ sagði Róbert Geir og tók fram að ef undanþágan verði veitt þurfi landsliðsmenn, þjálfarar og starfsmenn allra liðanna að gangast undir strangar reglur sem gilda um svokallaða vinnustaðasóttkví.

Íslenska landsliðið sem taka á þátt í leikjunum var valið í gær.

- Auglýsing -

Nýjustu fréttir

- Auglýsing -