Hefur skotið rótum í Vestmannaeyjum

Sveinn Jose Rivera gengur að fullu til liðs við ÍBV í sumar. Mynd/Raggi Óla

Sveinn José Rivera hefur skrifað undir nýjan tveggja ára samning við handknattleiksdeild ÍBV samhliða því sem hann gengur að fullu til liðs við liðið en hann hefur verið lánsmaður frá Aftureldingu síðan í haust.

Sveini líkar lífið í Eyjum vel og þar hefur hann skotið rótum, eftir því sem segir í tilkynningu frá ÍBV. „Við erum ótrúlega ánægð með að hafa tryggt okkur krafta Sveins áfram og er það mikilvægt fyrir baráttuna í Olís deildinni á komandi árum,“ segir ennfremur í fyrrgreindri tilkynningu.

Sveinn hefur áður leikið með Val og varð m.a. í Íslands-, og bikarmeistaraliðinu 2017. Einnig var Sveinn um skeið hjá Gróttu og síðar Aftureldingu leiktíðina 2019/2020 og í upphafsleikjum þeirrar leiktíðar sem nú stendur yfir.






- Auglýsing -

Nýjustu fréttir

- Auglýsing -