Heiðmar Felixson t.h. ásamt Sven-Sören Christophersen íþróttastjóra Hannover-Burgdorf. Mynd/Hannover-Burgdorf

Heiðmar Felixson hefur verið ráðinn aðstoðarþjálfari karlaliðs Hannover-Burgdorf sem leikur í þýsku 1. deildinni í handknattleik. Heiðmar mun þar með starfa með Christian Prokop fyrrverandi landsliðsþjálfara Þýskalands. Prokop tók við þjálfun Hannover-Burgdorf í sumar Carlos Ortega sem var ráðinn til Barcelona.


Heiðmar, sem er 44 ára gamall, lék með Hannover-Burgdorf frá 2004 til 2009 og síðar með Lübbecke, TS Großburgwedel og loks TSV Burgdorf í neðri deildum auk þess að vera þjálfari um nokkurra ára skeið. Hann lék 55 landsleiki fyrir Ísland og tók m.a. þátt í heimsmeistaramótinu árið 2003 sem fram fór í Portúgal.


Áður en Heiðmar gekk til liðs við Bidasoa Irun í Baskalandi 2002 hafði hann leikið með Þór Akureyri, KA, Stjörnunni og HC Wuppertal. Einnnig gerði Heiðmar garðinn frægan hér á landi sem afbrags knattspyrnumaður og lék knattspyrnu um skeið með neðri deildar liðum í Þýskalandi.

- Auglýsing -

Nýjustu fréttir

- Auglýsing -